Valhneturúlluterta með hindberjarjóma

 RÚLLUTERTA Valhneturúlluterta, hindberjarjómi, valhnetur, hindber, rúlluterta, kaffimeðlæti Valhneturúlluterta með hindberja-rjóma
Valhneturúlluterta með hindberjarjóma

Valhneturúlluterta með hindberjarjóma

Í mínu ungdæmi þóttu mér rúllutertur með sultu afar ljúffengar og “sparilegar”, En það var nú í þá daga. Valhneturnar setja fallega áferð á tertuna og fagurlitaður hindberjarjóminn gerir þessa rúllutertu ekki síður “sparilega” en þá sem mamma bakaði með rabarbarasultunni. Falleg og góð terta sem sómir sér vel á hvaða kaffiborði sem er.

RÚLLUTERTURHINDBERRABARBARASULTAVALHNETUR

.

Valhneturúlluterta með hindberjarjóma

250 g sykur
3 egg
125 g hveiti
1 tsk lyftiduft
1-2 tsk vanillusykur
50 g hakkaðar valhnetur
1/3 tsk salt

Egg og sykur þeytt  vel þar til ljóst og  þykkt krem. Hveiti lyftiduft og vanillusykur sigtað út í og blandað varlega saman við eggjahræruna með sleikju, sett í ofnskúffu sem klædd hefur verið með bökunarpappír.  Söxuðum valhnetunum og salti dreift yfir og bakað í 225° heitum  ofni í 7-8 mín. Snúið kökunni strax á sykurstráðan bökunarpappír og strjúkið heitan pappírinn með blautum klút þá losnar hann  vel af kökunni. Leggið pappírinn aftur yfir meðan kakan kólnar. Ég legg líka þurrundið viskustykki  þar ofan á til að auðveldara verði að rúlla kökunni upp.

Fylling:

1+3/4 bolli frosin hindber
4 msk.  sykur
Soðið saman og kælt – kakan smurð með þessu
3 dl. rjómi – þeyttur

ca. 3/4 bolli hindber ásamt safanum sem komið hefur þegar berin hafa þyðnað – blandað varlega saman við þeyttann rjómann. Þetta er síðan smurt á kökuna og síðan rúlluð upp.

 Valhneturúlluterta með hindberja-rjóma
Valhneturúlluterta með hindberjarjóma

.

RÚLLUTERTURHINDBERRABARBARASULTAVALHNETUR

.

.

Auglýsing

Meira úr sama flokki

Gúddý og Krissi bjóða til stórveislu

Gúddý og Krissi bjóða til stórveislu. Heiðurshjónin Kristján og Guðrún Hulda, betur þekkt meðal vina sinna sem Krissi og Gúddý, héldu ægifína veislu á dögunum. Hún sá um forréttinn og eftirréttinn og hann sá um að grilla. Þau hjónin voru í Toskana á Ítalíu á síðasta ári og fóru í eftirminnilega vínsmökkunarferð, þar kipptu þau með sér borðvíninu sem drukkið var með herlegheitunum.

SaveSave

SaveSave

SaveSave