Borðsiðafræðsla á Apótekinu
Hinn hugljúfi Ólafur afadrengur fór með okkur út að borða á Apótekið. Þar fórum við yfir helstu borðsiði með honum; hvernig við skálum, um servíetturnar, hvernig haldið er á hnífapörunum og eitt og annað smálegt sem gott er að vita. Endilega farið yfir borðsiði með ungmennum (á öllum aldri). Krökkum finnst þetta ótrúlega skemmtilegt og njóta þess að vera í „fullorðinna“ manna tölu.
M.a.s. er krafan um pizzu eða hamborgara látin lönd og leið, af því að nú erum við „fullorðins“. Ólafur og Bergþór fengu sér reyndar sellerírótar-borgara, sem var lostæti, en ég fékk mér fiskveislu dagsins, sem sömuleiðis var dásamlega bragðgóð, auk þess sem allt er svo fallega fram borið í flottu umhverfi. Eina ferðina enn sló maturinn á Apótekinu í gegn. Ekki síst datt hakan niður á maga þegar við fengum eftirréttaúrval, sem jafnframt lék við bragðlaukana. Gaman að vera „fullorðins“!
— BORÐSIÐIR — SKÁLAÐ — BORÐSIÐANÁMSKEIÐ — APÓTEKIÐ – HNÍFAPÖR — SERVÍETTUR —
.
.
— BORÐSIÐAFÆRSLA Á APÓTEKINU —
— BORÐSIÐIR — SKÁLAÐ — BORÐSIÐANÁMSKEIÐ — APÓTEKIÐ – HNÍFAPÖR — SERVÍETTUR —
.
