Aspassalat og steiktar andabringur
Heiðurshjónin Sigurður Flosason tónlistarmaður og Vilborg Anna Björnsdóttir fararstjóri eru bæði tvö afar áhugasöm um góðan mat og úrvals gestgjafar. Matseðill kvöldsins var undir sterkum áhrifum frá Food & Wine.
— ASPAS — ANDASTEIK — KJÖT — JÓLIN — GEITAOSTUR —
.
Aspargus salat með geitaosti og valhnetum.
1 bolli valhnetukjarnar
1 tsk fennelfræ
800 gr aspargus, meðalstór
¼ bolli extra virgin olífu olía
1/2 msk sherry edik
1 vorlaukur, hvíti og ljósgræni parturinn, fínt skorinn
1 msk ferskt estragon, fínt saxað
1 msk fersk minta, fínt söxuð
salt og pipar
100 gr geitaostur, rifinn
Bakið valhnetur létt í ofni. U.þ.b. 8 mín. Látið kólna og brjótið í miðju.
Ristið fennelfræin stutt á pönnu eða þar til þau dökkna örlítið gefa frá sér angan. U.þ.b. 20 sek. Látið kólna og saxið síðan smærra.
Brjótið neðri endana af aspargusstilkunum og hendið. Þeir brotna eðlilega þar sem þeir byrja að verða harðir og trénaðir. Sjóðið efri endana örstutt í potti eða setjið í pott eða á pönnu þar til þeir eru „al dente“ og alls ekki ofeldaðir. Látið kólna eða berið fram volga.
Hrærið eftirfarandi saman í skál: Ólífuolía, edik, vorlaukur, estragon, minta og fennelfræ. Saltið og piprið.
Bætið aspargus og valhnetur út í dressinguna og blandið. Setjið á diska. Saltið og piprið ofurlítið. Dreifið geitaostinum yfir.
Andabringur með dulce de leche chili sósu
4 þurrkaðir ancho chili piparar
½ bolli appelsínusafi
½ bolli kjúklingasoð
½ bolli dulce de leche (niðursoðin mjólk)
3 hvítlauksrif, söxuð
4 andabringur, tiglar skornir í fituna
Salt
Pipar
1 þurrkaður chili pipar
1 tymian grein
3 msk smjör
2 msk sítrónusafi
3-4 msk kóríander
Einn poki spínat
Ancho chili pipararnir snöggsteiktir á þurri pönnu en síðan látir liggja í heitu vatni í 20 mín. Síðan teknir úr og vökvinn geymdur.
Appelsínusafinn soðinn niður um u.þ.b. helming. Síðan settur í matvinnsluvél ásamt soðinu, dulce de leche, chili pipurunum og tæpum bolla af vatninu sem þeir suðu í og 1/3 af hvítlauknum. Allt maukað.
Panna snarphituð. Andabringurnar steiktar með fituhliðina niður í u.þ.b. 10 mín. Síðan snúið, smjöri bætta á pönnuna, tímían greinum og einum chilipipar, 2 msk af smjöri og 2/3 af hvítlauknum. Öndin pensluð örðu hverju. Hér er einnig hægt að setja pönnuna í ofn og elda þar til medium (eða hvernig sem fólk vill hafa hana).
Öndin tekin af pönnunni og látin janfna sig. Mestri fitunni hellt af, hvítlaukur, tymian og chili fjarlægt. Chili blöndunni hellt á pönnuna, 1-2 msk af smöri bætt útí ásamt kóreander. Saltað og piprað.
Öndin skorin, sett á diska og sósan með.
Borið fram með pönnusteiktu spínati.
.
— ASPAS — ANDASTEIK — KJÖT — JÓLIN — GEITAOSTUR —
— ASPASSALAT OG STEIKTAR ANDABRINGUR —
.
