Franskur saltfiskréttur á pönnu

Einfaldur fiskréttur á pönnu sem er tilbúinn á borðið á innan við hálftíma er alltaf góð hugmynd. Hér er klassísk Provençal-saltfiskuppskrift í sterkri tómatsósu með kapers og ólífum. Fljótlegur, einfaldur og hollur réttur – allt á einni pönnu sem er ótrúlega bragðgóður réttur með saltfiskinum góða frá Elvari í Ektafiski.

🇫🇷

4/7 Miðjarðarhafið – Frakkland

🇫🇷

— EKTAFISKUR — SALTFISKUR — FRAKKLAND — HAUGANES — MIÐJARÐARHAFIÐ —

Saltfiskpanna með tómötum, capers og ólífum

800 g útvatnaður saltfiskur
2 msk ólífuolía
2 hvítlauksrif söxuð
1 laukur, saxaður
3-4 stórir tómatar, skornir í bita
2 dl steinselja
2 tsk timían
pipar
20 svartar ólífur
2 msk kapers
1/2 sítróna

Steikið lauk í olíunni á pönnu. Bætið við hvítlauk.
Látið tómata, steinselju og pipar og sjóðið í nokkrar mínútur.
Bætið þá við ólífum og kapers
Skerið saltfiskinn í bita og raðið á sósuna, lokið og sjóðið þar til fiskurinn er soðinn.

🇫🇷