STÓR-kaffihlaðborð hjá kvenfélagskonum á Patreksfirði. Á Facebook óskaði ég eftir myndum frá sjómannadagskaffum víðs vegar um landið og bárust mér fjölmargar myndir. Ég tek enn með ánægju við fleiri myndum frá þessum skemmtilegu viðburðum.
Sjómannadagskaffi – ein ljúfasta hefð íslensks sumars
Á Sjómannadaginn hafa kaffihlaðborð verið órjúfanlegur hluti hátíðarhalda víða um Ísland í áratugi. Kvenfélög, björgunarsveitir og slysavarnarfélög leggja oft á sig ómælda vinnu við að baka kökur, tertur og annað kaffimeðlæti sem laðar að bæði heimamenn og gesti. Hér má sjá myndir frá sjómannadagskaffum um land allt, þar sem íslensk kökuhefð, samheldni og gestrisni fá að njóta sín.
Sjómannadagurinn var fyrst haldinn þann 6. júní árið 1938 í Reykjavík og á Ísafirði.
Það er þó ekki fyrr en 1987 sem hann verður lögboðinn frídagur sjómanna, enda tilgangurinn ekki sá að gefa sjómönnum frí einu sinni á ári.
🇮🇸
Kaffihlaðborð sem sameina fólk um land allt
Sauðárkrókur. Slysavarnafélagið Drangey á Sauðárkróki stendur fyrir kaffihlaðborði sjómannadagsins á Kaffi Krók. Systurnar Eybjörg og Elfa gerðu því góð skil. Konurnar í slysavarnafélaginu kunna sko að töfra fram dásamlegar kökur og tertur. Þvílíka veislan! segir Eybjörg í pósti sem fylgdi með myndunum. Á Facebook skrifar hún „Fór í æðislegt sjómannadagskaffi í dag og smakkaði allar margengsterturnar. Ekki góð hugmynd að smakka allar!”Kaffimeðlæti á SauðárkrókiGestir í sjómannadagskaffinu á Kaffi Krók á SauðárkrókiGrundarfjörður. Myndir frá hlaðborði kvenfélagsins Gleym mér ei í Grundarfirði. Myndir: Sólrún GuðjónsdóttirMyndir frá hlaðborði kvenfélagsins Gleym mér ei í Grundarfirði. Myndir: Sólrún Guðjónsdóttir
Patreksfjörður. Konur í Kvenfélaginu Sif sáu um stórhlaðborð sjómannadgsins á Patreksfirði. Mynd Helga GísladóttirPatreksfjörður. Mynd Helga GísladóttirSjómannadagskaffi á Fáskrúðsfirði, „Þetta smakkaðist býsna vel.” sagði myndasmiðurinn Sigurjón HjálmarssonSjómannadagskaffi Skólamiðstöðinni á Fáskrúðsfirði. Mynd Sigurjón HjálmarssonBolungarvík. Kvennadeild slysavarnarfélagsins Landsbjargar í Bolungarvík sá um kaffið og var það haldið í Slysavarnarsalnum. Myndir Þuríður Katrín VilmundardóttirKaffihlaðborð í Bolungarvík. „Mjög flott kaffisala og frábærar og góðar veitingar” segir Þuríður Katrín Vilmundardóttir sem tók myndirnar.Hnífsdalskaffihlaðborð Sjómannadagsins var í umsjón Slysavarnafélagsins Tinda. Mynd Áslaug Jensdóttir.Á Djúpavogi sér Björgunarsveitin Bára um að grilla á bryggjunni ofaní gesti og gangandi á meðan börnin og fullorðnir dorga og leika sér á kayökum og fl. Þetta hefur mælst vel fyrir. Myndir Sóley Dögg Birgisdóttir.Tenerife. Elísabet Sveinsdóttir frá Borgarfirði eystra sendi mynd frá Nostalgíu, Íslendingabarnum á Tenerife. Þar voru pönnukökur í tilefni SjómannadagsinsBorgarfjörður eystri. Samkvæmt venju var það Sveinungi, björgunarsveitin á Borgarfirði eystra sem sá um Sjómannadagskaffið. Myndir Tinna Jóhanna Magnússon.
