Riz à l’amande með hvítu súkkulaði
Mjög aðventu/jólalegur eftirréttur. JÁ! hlutföllin í grautnum eru rétt, með því að hægelda hann eins og fram kemur þarf ekki nema dl af grjónum á móti lítra af mjólk. Svo þarf vel af vanillusykri, þannig að vanillubragðið komi vel fram í eftirréttinum góða.
—RIZ à L’AMANDE — HÁTÍÐLEGIR EFTIRRÉTTIR — MÖNDLUR — HRÍSGRJÓNAGRAUTUR – JÓLIN — HVÍTT SÚKKULAÐI — EFTIRRÉTTIR —
.
Riz à l’amande með hvítu súkkulaði
Grauturinn:
1 l mjólk
1 dl grautargrjón
1 msk sykur
1/2 tsk salt
1 tsk vanillusykur
1 tsk vanilluextrakt
Best er að útbúa grautinn daginn áður, hann þarf að kólna alveg. Setjið öll hráefnin í pott og látið suðuna koma upp á löngum tíma, 30-40 mín. Hrærið reglulega í. Slökkvið undir þegar er byrjað að sjóða og pakkið pottinum inn í handklæði og annað sem einangrar vel. Látið standa þannig í 3-4 klst. Kælið.
1 dl möndluflögur
1 dl möndlukurl
1/2 l rjómi
1 msk vanillusykur
1 dl saxað hvítt súkkulaði
Þurristið möndluflögur og möndlukurl á pönnu, látið kólna. Takið frá 1-2 msk til að strá yfir í lokin.
Stífþeytið rjómann, bætið vanillusykri og grautnum saman við og þeytið um stund. Setjið möndlur og súkkulaði saman við og hrærið varlega.
Setjið í skál eða skálar, stráið möndlum yfir og berið fram með kirsuberjasósu.
—RIZ à L’AMANDE — HÁTÍÐLEGIR EFTIRRÉTTIR — MÖNDLUR — HRÍSGRJÓNAGRAUTUR – JÓLIN — HVÍTT SÚKKULAÐI — EFTIRRÉTTIR —
.
