Indverskur kjúklingur
Indverskur matur er bragðgóður og spennandi. Hér eru nokkrir veitingastaðir sem bjóða upp á indverskan mat, meðal þeirra er Shalimar í Austurstræti. Staður sem lætur lítið yfir sér, er heimilislegur og með góðan mat. Þá hefur Yesmine Olsson sýnt okkur í sjónvarpinu að indversk matreiðsla er ekki flókin og matreiðslubækur hennar eru afar vandaðar.
— INDLAND —
.
Indverskur kjúklingur
6 kjúklingalæri
2 dl mangó chutney
6-8 cm blaðlaukur, saxaður
3-4 hvítlauksrif, saxað
3 cm engifer, saxað
1 dl ferskt saxað kóriander
góður slatti ferskt spínat – saxað
1 gulrót, rifin
3 msk góð olía
1 msk edik
safi úr 1/2 lime
salt og pipar
Úrbeinið kjúklingalærin. Blandið saman í stórri skál mangó chutney, blaðlauk, hvítlauk, engifer, kóriander, spínati, gulrót, olíu, ediki, limesafa, salti og pipar. Bætið kjúklingalærunum saman við og blandið vel saman. Látið standa við stofuhita í 20-30 mín. Raðið lærunum (og öllu gumsinu með) í eldfast form og steikið í ofni við 175° í um 40-45 mín. Eða þangað til kjötið er gegnum steikt.
Berið fram t.d. með tómatasalati
— INDLAND —
.
