Fyrsta íslenska matreiðslubókin
Fyrsta íslenska matreiðslubókin, Einfalt matreiðsluvasakver fyrir heldri manna húsfreyjur, kom út árið 1800 – og hún var alls ekki bara um íslenskan mat.
Almennt er talið að Magnús Stephensen, dómsstjóri og útgefandi bókarinnar, hafi átt stærstan þátt í að semja hana, þótt bókin sé eignuð mágkonu hans, Mörtu Maríu Stephensen.
— MATREIÐSLUBÆKUR — MAGNÚS STEPHENSEN — ÍSLENSKT — NOREGUR —
.
Magnús hafði mikinn áhuga á matargerð og hvatti til þess að samin yrði íslensk matreiðslubók. Hann dvaldi um tíma í Noregi og skrifaði þar upp uppskriftir, og líklegt er að flestar – ef ekki allar – uppskriftir bókarinnar séu af erlendum uppruna.
Bókin var ætluð efri stéttum samfélagsins og byggir að stórum hluta á dönskum og evrópskum hefðum. Hún sýnir að íslensk yfirstétt borðaði mun fjölbreyttari og fínni mat en við höldum oft. Í henni má finna uppskriftir að kjötréttum og súpum, kökum og vöfflum, auk ýmissa sætinda og geymsluaðferða.
Þetta var því ekki „bændamaturinn“ sem flestir Íslendingar lifðu á, heldur endurspeglar bókin fremur menningu og áhrif frá Evrópu. Á þessum tíma var Ísland enn einangrað og lifði að mestu á fiski, kjöti og mjólkurvörum.
Fleira spennandi:
— Skonsubrauðterta — Hægeldaður lambahryggur — Steiktur fiskur í raspi – Kryddlegin hjörtu — Plokkfiskurinn prýðisgóði — Rasptertan góða –- Vatnsmelónusalat — Hafragrautur —-