Kúrbítsbrauð

Kúrbítsbrauð heilhveiti hörfræ möluð kúrbítur

Kúrbítsbrauð. Nú er ég farinn að nota heilhveiti mun meira en áður, stundum með venjulegu hveiti en oftast  ekki. Þó líkami okkar sé næstum því fullkominn þá ræður hann ekki við að melta heil hörfræ. Best finnst mér að mala þau í kaffikvörninni, matvinnsluvélar vinna illa á þeim. Kannski er allt í lagi að nota ómöluð hörfræ í brauðið, ég hef bara ekki prófað það.  Eins og áður hefur komið fram er kúrbítur meinhollur

Kúrbítsbrauð

6 msk möluð hörfræ

1 dl heitt vatn

2 dl sykur

1 dl góð olía

1 dl eplamús

1 tsk vanilla

2-2 1/2 b rifinn kúrbítur

4 dl heilhveiti

1 msk lyftiduft

1/2 tsk matarsódi

1 msk kanill

2 tsk múskat

1 tsk salt

1 dl súkkulaði, saxað

1 dl rúsínur

Blandið saman hörfæjum og heitu vatni. Bætið við sykri, olíu, eplamús, vanillu og kúrbít – hrærið vel saman.  Blandið saman öllum þurrefnunum í aðra skál. Blandið þurrefnunum saman við fyrri skálina og hrærið vel saman.  Smyrjið tvö brauðform, setjið deigið í og bakið við 170° í 55-60 mín. Berið fram volgt með hollu góðu viðbiti

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.