Ristaðar möndlur með sítrónu og rósmaríni

Ristaðar möndlur með sítrónu og rósmaríni. Það er upplagt að eiga ristaðar möndlur í ísskápnum til að grípa í þegar hungrið segir til sín. Svo er fljótlegt að útbúa þær – það má þurrista möndlurnar fyrst á heitri pönnu ef fólk vill það frekar og bæta síðan við kryddinu og hinu.

Ristaðar möndlur með sítrónu og rósmaríni

2 b möndlur

1 tsk salt

1/3 tsk pipar

2 msk rósmarín

1/2 tsk múskat

1/2 tsk sykur

1 msk sítrónusafi

1 msk palmín

Hitið palmín, salt, pipar, rósmarín, múskat og sykur á miðlungshita á pönnu. Bætið við sítrónusafa og loks möndlunum. Veltið í um 5-10 mín. á pönnunni. Setjið möndlurnar á smjörpappír og dreifið úr þeim.