Marineruð heiðagæs
Marineruð heiðagæs er sannkölluð veislumáltíð sem sameinar villibráð, djúpt bragð og fallega framsetningu. Hér er uppskrift að einstaklega safaríkum gæsa-bringum sem fá að liggja lengi í bragðmikilli marineringu áður en þær eru steiktar og kláraðar í ofni.
Með ferskum bláberjum, smjörsteiktum aspas og góðri sveppasósu verður þetta réttur sem slær í gegn – hvort sem er í matarboði eða á hátíðardegi.
— Gæs — Kjöt — Fáskrúðsfjörður — Sveppasósur— Marineringar — Björn Emil Jónsson — Rjúpa —
Björn Emil Jónsson á Fáskrúðsfirði skaut heiðargæs á dögunum, marineraði og steikti. „Ég pakka alltaf hverri bringu sér og frysti. Er búinn að þróa fína grafblöndu sem er vinsæl á mínu heimili og virkar vel á rjúpu og aðra villibráð.”
Marineruð heiðagæs (fyrir 2–3)
3 heiðagæsabringur
Leggið bringurnar í marineringu í um 40 klukkustundir.
Skolið marineringuna af og látið þorna í um 2 klukkustundir.
Brúnið bringurnar á pönnu í um 2 mínútur á hvorri hlið.
Setjið í ofn við 140°C þar til kjarnhiti nær 69°C.
Látið hvíla í 10–15 mínútur áður en skorið er.
Marinering:
1 hvítlauksrif
1 engiferrót (á stærð við þumalfingur)
1/3 dós Prima villibráðarkrydd
2 msk Herba jurtasalt
¼ flaska soyasósa
Setjið allt í matvinnsluvél og maukið vel saman.
Meðlæti:
Sykurbrúnaðar kartöflur, smjörsteiktur aspas (létt gufusoðinn og síðan steiktur), fersk bláber
Sveppaostasósa:
Steikið sveppi upp úr smjöri, bætið rjóma og villisveppaosti út í og látið malla þar til sósan þykknar.
Fleiri spennandi uppskriftir:
Rjúpuuppskriftir – Ef þú ert hrifin af villibráð mæli ég líka með að skoða rjúpu-uppskriftir.
Marinering – Góð marinering gerir gæfumuninn – hér eru fleiri hugmyndir að marineringum fyrir kjöt
Sveppasósur – Engin veisla án góðrar sósu – hér eru fleiri uppskriftir af sveppasósum og öðrum sósum með kjöti
.