Auglýsing
Vínberjaterta með pistasíum – óskaplega bragðgóð terta marsipan möndlumjöl Cake grape vínber sítrónur appelsína pistasíur terta kaka kaffimeðlæti
Vínberjaterta með pistasíum – óskaplega bragðgóð terta

Vínberjaterta með pistasíum

Ó! það er svo gaman að baka. Baka, baka, baka 🙂 Kannski ekki mjög algengt að hafa vínber, pistasíur og marsipan í einni og sömu tertunni. Amk var ég aðeins tvístígandi hvort ég ætti að prófa, en ég sé ekki eftir því. Óskaplega bragðgóð terta og eiginlega betri daginn eftir.

VÍNBERPISTASÍURTERTURMARSIPAN

.

Vínberjaterta með pistasíum
Vínberjaterta með pistasíum – óskaplega bragðgóð terta

Vínberjaterta með pistasíum

150 g smjör, lint

1 dl sykur

rifinn börkur af einni appelsínu

1 msk appelsínusafi

1 tsk vanillu extrakt

1 dl góð olía

4 egg

300 g vínber, steinhreinsuð og skorin í tvennt

150 g marsipan, skorið í 1×1 cm bita

3 dl hveiti

3 dl möndlumjöl

2 tsk lyftiduft

1/2 tsk salt

Ofan á:

1-2 msk sykur

safi úr 1/2 appelsínu

safi úr 1/2 sítrónu

1 dl pistasíur, saxaðar gróft

smá vatn

smá salt

flórsykur til að strá yfir

Hrærið í nokkrar mínútur í hrærivél: smjöri, sykri, appeslínuberki, appelsínusafa og vanillu. Bætið við olíu og eggjum (einu í einu), þá hveiti, möndlumjöli, lyftidufti og salti. Bætið loks við marsipani og vínberjum og blandið saman við með sleif eða sleikju.

Bakið við 170° í 10 mín, lækkið þá í 160° og bakið áfram í 35 mín.

Á meðan kakan bakast:

Stráið sykri á heitan pott og látið hann brúnast (ljósbrúnn) í örstutta stund, bætið við salti, vatni, appelsínu- og sítrónusafa sjóðið niður í nokkrar mínútur. Slökkvið undir, bætið við pistasíuhnetunum og hellið yfir tertuna þegar hún er nýkomin úr ofninum.

Látið kólna og sáldrið flórsykri yfir.

VÍNBERPISTASÍURTERTURMARSIPAN

— VÍNBERJATERTA MEÐ PISTASÍUM —

Auglýsing