Karamellu-pekanterta. Tryggvi M. Baldvinsson sló gjörsamlega í gegn með pekantertunni í síðasta föstudagskaffi í LHI, við vorum eins og hungraðir úlfar og kláruðum tvær tertu á mettíma.
— LISTAHÁSKÓLINN — FÖSTUDAGSKAFFI — KARAMELLU.. — PEKAN —
.
Karamellu-pekanterta
Tertan:
80 g döðlur, skornar niður eða klipptar í litla bita
1/2 dl vatn
5 eggjahvítur
70 g döðlur, skornar niður eða klipptar í litla bita
80 g 70% súkkulaði, saxað
80 g möndluflögur, ristaðar á pönnu og malaðar
(má sleppa að rista þær en þær verða bragðmeiri þannig)
–
Hitið ofninn í 150°C. Sjóðið döðlur og vatn saman í 2 – 3 mínútur og maukið síðan í matvinnsluvél, kælið. Þeytið eggjahvítur alveg stífar. Takið smávegis af hvítunum og blandið saman við döðlumaukið. Þetta er gert í tvennu lagi til að halda loftinu í hvítunum. Bætið söxuðum döðlum, möndlumjöli og súkkulaði varlega saman við eggjahvítublönduna. Hellið deiginu í smurt eða pappírsklætt smelluform, 22 cm, og bakið í miðjum ofni í 20 mín. Kælið kökuna aðeins í forminu og losið hana síðan varlega úr. Setjið kökuna á tertudisk.
OFAN Á:
200 g pekanhnetur
90 g hrásykur
1/3 tsk salt
3/4 dl rjómi
Ristið pekanhnetur í ofni við 180°C. Sjóðið saman hrásykur, salt og rjóma þar til fer að þykkna. Raðið hnetunum á kökuna og dreifið úr sósunni yfir. Berið kökuna fram með þeyttum rjóma ef vill.
— LISTAHÁSKÓLINN — FÖSTUDAGSKAFFI — KARAMELLU.. — PEKAN —
.
