Möndlu- og eplaterta

Anna Valdís möndlukaka eplaterta möndluterta eplakaka kaffimeðlæti terta Anna Valdís Einarsdóttir
Anna Valdís og Albert með Möndlu- og eplatertuna

Möndlu- og eplaterta

Þessi uppskrift birtist í jólablaði Morgunblaðsins fyrir nokkrum árum, lengi vel var hún í miklu uppáhaldi enda með eindæmum ljúffeng. Því miður man ég ekki hvaðan uppskriftin er fengin en kæmi mér ekki á óvart þó hún væri komin úr fjölmörgum uppskriftabókum og blöðum móður minnar.

Möndlu- og eplaterta
Möndlu- og eplaterta

Möndlu- og eplaterta

150 g smjör

200 g sykur

3 egg

150 g saxaðar möndlur

2 1/2 dl hveiti

1/2 tsk lyftiduft

1/2 tsk salt

Hrærið vel saman smjör og sykur, bætið eggjunum saman við einu og einu í einu. Setjið loks möndlur, hveiti, lyftiduft, olíu og salt og hrærið áfram um stund. Bakið í tveimur kringlóttum formum í 170° heitum ofni í um 25-30 mín. Látið kólna

Fylling

1 stórt epli

1 dl sérrí

1 askja maskarpone

1/2 b sykur

1 peli rjómi – þeyttur

3 msk. blönduð ávaxtasulta

Afhýðið eplin og skerið þau frekar smátt. Sjóðið þau ásamt helmingnum af sykrinum og sérríinu í um 15 mín. eða þangað til þau eru soðin, maukið með píski. Kælið. Blandið maskarpone saman við þeytta rjómann og loks eplamaukinu. Setjið annan botninn á tertudisk og utan um hann hringinn af tertufrominu. Látið eplarjómann á botninn. Setjið ávaxtasultuna þar ofna á og loks hinn botninn. Geymið í ísskáp í nokkrar klst, eða yfir nótt. Losið hringinn með því að renna heitum hníf í kring.

Skreyting

1 peli rjómi – stífþeyttur

ávextir, möndluflögur og súkkulaði að vild.

Auglýsing

Meira úr sama flokki

Bananabrauð

Bananabrauð. Ilmurinn af nýbökuðu bananabrauði fyllir vitin, brauðið rennur ljúflega niður með góðu hollu viðbiti. Best er að nota vel þroskaða banana. Einfalt og gott brauð - bökum og bökum :)

Þambið ekki nýmjólk

Í staðinn fyrir kaffi og te ætti að drekka mjólk, þar sem nóg er af henni. Þó er ekki gott að þamba tóma nýmjólk, hún hleypur í maganum í stóra osta og er þá tormelt.

Matreiðslubók. leiðbeiningar handa almenningi. Fjóla Stefáns 1916