Draumaterta – algjörlega dásamlega góð

Draumaterta

Í aldarafmæli ömmu og áttræðisafmæli pabba komu ættingjarnir með góðgæti á hlaðborð – svona allir bjóða öllum til veislu. Ó þessi fjölskylda er svo myndarleg í eldhúsinu og tekur líka hraustlega til matar síns. Steinunn Björg frænka mín kom með draumatertuna sem stendur algjörlega undir nafni og er algjör draumur.

— PÁLÍNUBOÐ — TERTUR — FÁSKRÚÐSFJÖRÐUR — STEINUNN BJÖRG —

.

Draumaterta

5 egg
200 g sykur
150 g pekanhnetur, saxaðar
150 g döðlur, saxaðar
150 g suðusúkkulaði, saxað
70 g kornflex
1/2 tsk salt
1 1/2 tsk lyftiduft
1/2 l rjómi

Fílakaramellukrem:
200 g Fílakaramellur
1 dl rjómi

Botnar: Þeytið saman egg og sykur.
Bætið hnetum, döðlum, súkkulaði, kornflexi og lyftidufti.
Blandið saman við með sleikju.
Bakið í tveimur kringlóttum formum við 200°C í ca 20-30 mín.
Kælið botnana

Þeytið rjómann og setjið á milli botnanna.

Bræðið karamellurnar í potti með rjómanum. Hellið yfir kökuna.
Látið tertuna bíða í ísskáp í nokkra klukkutíma – bjóðið í kaffi. Þessari má gjarnan deila
Uppskriftin birtist upphaflega á hinni ágætu síðu eldhússögur.com en hér er hún lítillega breytt

 

–

Fleira áhugavert:

– Hægeldaðir lambaskankar —  Heill kjúklingur í ofni — Draumaterta dásamlega góð – Hrísgrjónagrautur á laugardegi – Vöfflur hin klassíska uppskrift –  Soðin egg  —  Skúffukaka sem klikkar ekki –  Hvað er kurteisi?  —  Snúðakakan góða  –  Kryddbrauð mömmu  – Heitur brauðréttur Önnu Siggu —