Kaffihúsavinnufundir. Undanfarna mánuði höfum við Bergþór farið tvisvar til þrisvar í mánuði með tölvurnar okkar á kaffihús og haldið kaffihúsavinnufundi.
Á þessum fundum eru tekin fyrir praktísk mál, skrifuð „fundargerð“ og farið yfir síðastu. Hvað er framundan, hringja í rafvirkjann og smiðinn, sumar-, jóla- og frí, veislur framundan, næsta útlandaferð og stórafmæli. Þetta eru dæmi um það sem við höfum tekið fyrir.
Nú höfum við tekið ákvörðun um að verja byrjun fundarins í hvernig við getum bætt almenn samskipti, t.d. að taka vel í hugmyndir, álitlegar sem óálitlegar og upplýsingaflæði. Það virðist nauðsynlegt fyrir fólk að taka sér sérstakan tíma í það, þar sem sagt er að hjón tali saman að meðaltali u.þ.b. 5 mín á mánuði um eitthvað sem máli skiptir.
Hugmyndin er vel þekkt og alls ekki okkar, um leið og búið er að skipta með sér verkum, þvælast heimilismálin ekki lengur fyrir daglegu lífi og hægt að einbeita sér að því að gera eitthvað skemmtilegt, búa til pizzu með gleði, ja, bara svona sem dæmi.
–
–
Getið þið tekið að ykkur að fræða um hvernig nota skuli ilmvötn/rakspíra án þess að valda öðru fólki vanlíðan? Sumir nota þessi efni óhóflega með þeim afleiðingum að fólk sem er í sama öndunarrými veikist. Það getur ekki talist eðlilegt að bera með sér ilmský hvert sem ilmnotandinn fer og fólk með asthma eða mígreni veikist oft við slíka mengun, þessi ský sitja eftir þegar að ilmnotandinn fer, t. d. í lyftum.
Öll þurfum við að anda!
Comments are closed.