![Jón Þór Þorleifsson smali og þyrluflugmaður Steini Sleggja, Jón Birgir og Böðvar Lemacks Anna Svava Knútsdóttir og Bjarni Snæbjörnsson smalinn Kjarnholt mengi albert bergþór grill afmæli veisla partý sumar](https://i0.wp.com/alberteldar.is/wp-content/uploads/2019/07/IMG_0351.jpg?resize=696%2C928&ssl=1)
45 árum fagnað með öðlingspilti
Öðlingspilturinn Jón Þór Þorleifsson smali og þyrluflugmaður hefur þá einföldu reglu að halda upp á afmæli sín á fimm ára fresti og þá með slíkum glæsibrag að eftir því er tekið. 45 ára afmælisveisla hans var á laugardaginn. Fyrir rúmlega hálfu ári bað Jón Þór fólk að taka daginn frá og hann var duglegur að fá vini sína til að hjálpa til. Hvort tveggja til fyrirmyndar.
![](https://i0.wp.com/alberteldar.is/wp-content/uploads/2019/07/66282016_10156816126703303_3457569499299971072_n-1.jpg?resize=696%2C450&ssl=1)
45 ára afmælið var haldið í blíðskaparveðri í Kjarnholtum í Biskupstungum. Upplýsingum til gesta var komið á framfæri á lokaðri Facebook síðu. Þar var dagskráin og atriði til að hafa í huga. Hugsað fyrir öllu enda gekk allt eins og smurt – svo gott var skipulagið.
.
![](https://i0.wp.com/alberteldar.is/wp-content/uploads/2019/07/IMG_0343.jpg?resize=696%2C512&ssl=1)
Anna Svava Knútsdóttir og Bjarni Snæbjörnsson voru veislustjórar kvöldsins og fóru á kostum. Ýmsir þekktir listamenn stigu á svið, enda Jón Þór búinn að vera víða í störfum sínum fyrir „Aldrei fór ég suður“ og margar fleiri uppákomur. Um kvöldið var slegið upp balli í bjartri sumarnóttinni, þar sem áhöfnin á Húna lék fyrir dansi.
.