Sumarlegt salat og Pavlova hjá Ásthildi bæjarstjóra og Hafþóri
Það er nú ekki lognið í kringum Ásthildi Sturludóttur, bæjarstjóra á Akureyri. Ætli megi ekki segja að af henni gusti hlýr vestanvindur. Hún ræktar grænmeti af miklum dugnaði og uppistaðan í þessu sumarlega salati kom úr garðinum þeirra hjóna.
Þau Ásthildur og Hafþór eru bæði einstaklega myndarleg í öllu sem þau taka sér fyrir hendur. Hún stjórnar stóru sveitarfélagi, prjónar, saumar og ræktar; og Hafþór er sannkallaður völundur. Þegar vantaði eldhúsborð tók hann sig til og smíðaði það sjálfur úr gæðaviði.
Á borðum var dásamlega ferskt salat með kjúklingi, berjum, avókadó og grænmeti — og svo hin sígilda Pavlova með rjóma, berjum og Dumle-sósu. Sumarlegt, litríkt og ómótstæðilega gott.
☀️
#sumarferðalag15/15 — SALÖT — AKUREYRI — PAVLOVUR — ÁSTHILDUR —
☀️
Sumarsalat Ásthildar
Salatblöð, t.d. blanda af spínati, lollorosso, boston lettuce, basilíku og steinselju
pikkolotómatar
2 avókadó
1 pakki sykurbaunir, léttsteiktar á pönnu
grilluð paprika, hýðið tekið af
lúka af bláberjum
lúka af baunaspírum
1/2 granatepli
nokkur jarðarber
500 g kjúklingabringur, kryddaðar með tandoori-kryddi og steiktar í olíu
hnetur yfir
Dressing
Olía, balsamedik, dijon-sinnep, hunang, salt og pipar. Þeytið saman og hellið yfir salatið rétt áður en það er borið fram.
☀️
Fleira áhugavert:
— Ítölsk sítrónukaka — Dúllað svepparisottó hjá Hildigunni Einars — Daglegt lyftiduftsbrauð — Humarveisla Önnu Rósu — Frómas, bestu uppskriftirnar —Rabarbarasulta — Matur og gigtareinkenni — Steikt blómkál — Bláber eru holl, mjög holl —