![Gamaldags kryddkaka sumarbúðir í Kaldársel Halldóra Lára Norsk tekaka Halldóra Lára Ásgeirsdóttir NOREGUR](https://i0.wp.com/alberteldar.is/wp-content/uploads/2019/12/E00BFA76-AA44-4470-AFF8-DBBF68357383.jpeg?resize=696%2C522&ssl=1)
Norsk tekaka og gamaldags kryddkaka
Halldóra Lára Ásgeirsdóttir sagði mér frá köku sem var ætíð bökuð í sumarbúðunum í Kaldársseli þegar hún vann þar. „Hún heitir Norsk tekaka. Ekki veit ég afhverju tekaka, því það er ekki te í henni. En sagan á bak við þessa uppskrift er sú að ég vann í eldhúsinu í sumarbúðunum í Kaldárseli þegar ég var yngri og þar var ekkert rafmagn, og allt eldað á gasi á þeim árum. Allur bakstur var því handhrærður. Við fundum við þessa kökuuppskrift í norskri köku bók. Og það fyndna er að allir elskuðu hana. Þess vegna baka ég hana enn þann dag í dag. Mér finnst í fínu lagi að aðrir njóti með.”
.
— NOREGUR — TERTUR — KAFFIMEÐLÆTI — KAFFIBOÐ —
.
![](https://i0.wp.com/alberteldar.is/wp-content/uploads/2019/12/DA567031-D7BD-459F-9B2A-A4242E6700C6.jpeg?resize=696%2C522&ssl=1)
Gamaldags kryddkaka
250 g hveiti
125 g sykur
75 g smjörlíki
1 dl síróp
1 egg
1 tsk kanill
1 tsk negull
1 tsk engifer
1 tsk natrón
1 d. súrmjólk.
Hrærið öllu vel saman, setjið í tvo botna og bakið við 200°C í um 20 mín.
Kremið:
100 g smjörlíki
100 g flórsykur
1 eggjarauða
1 tsk vanilludropar
Annar botninn settur á tertudisk, kreminu smurt á og hinn settur yfir.
![](https://i0.wp.com/alberteldar.is/wp-content/uploads/2019/12/1E9461EA-716D-44E0-8877-2320DBAD64D0.jpeg?resize=696%2C522&ssl=1)
Norsk tekaka
200 g smjörlíki (eða smjör) best að láta það linast
2 egg
200 g sykur
2 tsk lyftiduft
kókósmjöl eftir smekk,(ég set bara slatta)
200 g hveiti
Salt á hnífsodd (eða bara slatta)
Sett í kringlótt form og bakað í 20 mín.
Krem:
200 g flórsykur
2 msk kakó
Kaffi blandað við og hrært með matskeið af smjöri eða smjörlíki.
Skreytt með kókósmjöli.
![](https://i0.wp.com/alberteldar.is/wp-content/uploads/2019/12/15402468-C413-44F9-8089-C0E292FFB365.jpeg?resize=696%2C522&ssl=1)
.
— NOREGUR — TERTUR — KAFFIMEÐLÆTI — KAFFIBOÐ —
— NORSK TEKAKA OG GAMALDAGS KRYDDKAKA —
.