Auglýsing
Tví- og ferfætlingar ferjaðir í land. Læknishúsið er fyrir miðri mynd

Það er dúndrandi stemning í Hesteyrarferðum Hauks Vagnssonar frá Bolungarvík, en pabbi hans fæddist á Hesteyri. Vagnsbörnin eru landsþekkt fyrir glaðværð og jákvæðni.

Siglingin tekur um klukkutíma og fólk er ferjað í land í gúmmíbát, en það eitt er bráðskemmtilegt ævintýri fyrir marga og var til þess tekið þegar Páll tók stökkið. Haukur segir sögu Hesteyrar, en þar var á árum áður fjölbreytt mannlíf, á lifandi og skemmtilegan hátt. Það er unaðslegt að ganga um þennan náttúrulega blómagarð, þar sem hvönn, kerfill og blágresi eru í aðalhlutverki og fræðast um lífsbaráttuna fyrr á árum, sem stóð allt til ársins 1952.

Heldur betur þjóðlegt með kaffinu í Læknishúsinu á Hesteyri: rúgbrauð með reyktum laxi, pönnukökur og hjónabandssæla

HORNSTRANDAFERÐIR —  ÍSAFJÖRÐUR –  FERÐAST UM ÍSLANDVESTFIRÐIR

Hróflur bakar pönnukökur fyrir gesti á Hesteyri

Binna, móðir Vagnsbarnanna, býr í Bolungarvík og er landsfræg fyrir dásamlegar pönnukökur. Í Læknishúsinu tók á móti hópnum Hrólfur Vagnsson sem sat við pönnukökubakstur og uppáhellingar. Og auðvitað var auk þess í boði hjónabandssæla og rúgbrauð með laxi. Enginn vafi er á að pönnukökubakstur er í genunum, því að þær eru jafnar (nákvæmt mál sem passar á pönnuna) og gómsætar.

Ekki nóg með það, heldur sest Hrólfur inn í stofu með ferðalöngum og spilar glæsilega á harmóníku og einnig fyrir fjöldasöng. Bergþór var líka plataður í Sous le ciel de Paris (Yves Montand).

Kirkja var reist á Hesteyri 1899 og þjónað frá Aðalvík. Hesteyrarkirkja var flutt til Súðavíkur árið 1960.
Með Hauki í stofunni í Læknishúsinu
Svo mikill sandur hefur borist á land á Hesteyri síðustu mánuði að bryggjan stendur á þurru
Haukur fer yfir sögu Hesteyrar

Síminn hjá Hauki er 862-2221, netfangið haukur@hornstrandaferdir.is og heimasíðan HORNSTRANDAFERÐIR

HORNSTRANDAFERÐIR —  ÍSAFJÖRÐUR –  FERÐAST UM ÍSLANDVESTFIRÐIR

Auglýsing