Vinkonurnar Ásta Snædís frænka mín og Rósmarý reka Brekkuna á Stöðvarfirði. Brekkan er allt í senn veitingastaður, verslun og bar. Það er verulega hressandi að hitta þær stöllur eins og sjá má á myndunum. Þetta er mjög vinsæll staður af vinnandi fólki, sem pantar þá heimilismat, t.d. kótilettur eða fisk.
Það er ekkert snobb í gangi, staðurinn reynir ekki að vera neitt annað en hann er, heiðarlegir hamborgarar og steiktur fiskur með frönskum. Svo koma þær Ásta og Rósmarý til dyranna eins og þær eru klæddar. Kokteilsósan m.a.s. á sínum stað. Pizzur á fimmtudögum og föstudögum.
Ásta Snædís er sú sama og heklaði HOMMAPOTTALEPPANA — BREKKAN — STÖÐVARFJÖRÐUR — ÁSTA SNÆDÍS — FERÐAST UM ÍSLAND —
EN, margir segja að þetta séu bestu hamborgarar á Íslandi. Það er nefnilega mjög auðvelt að fá matarást á Ástu. Kannski köllum við hana bara Matarástu.
Ásta lenti einu sinni í símahrekk á Bylgjunni, þar sem konan í símanum sagði að maðurinn sinn (sem borðaði daglega hjá Ástu) hrópaði gjarnan „Ásta! Fiskibollur!“ upp úr svefni. Spurði svo hvort Ásta gæti gefið sér uppskriftina. Ásta er alveg hrekklaus og vandaði sig við að gefa uppskriftina í beinni, þar til hún var stoppuð og sagt að hún væri í símahrekk. Þá hló hún ennþá hærra en venjulega, svo að heyrðist um allt þorpið.
Ásta Snædís er sú sama og heklaði HOMMAPOTTALEPPANA — BREKKAN — STÖÐVARFJÖRÐUR — ÁSTA SNÆDÍS — FERÐAST UM ÍSLAND —
