Berjaeftirréttur með grískri jógúrt og aðalbláberjum
Hildur Elísabet og Svavar á Ísafirði buðu okkur í eftirminnilega hreindýraborgaraveislu: SJÁ HÉR. Að máltíð lokinni var þessi ljúffengi berjaeftirréttur borinn fram.
Eftirrétturinn er einstaklega einfaldur og fljótlegur. Grísk jógúrt, þeyttur rjómi og berjasulta mynda létt og mjúkt krem sem er toppað með aðalbláberjum. Bestur er rétturinn með ný tíndum berjum, en einnig má nota frosin ber.
– HREINDÝRABORGARAVEISLAN – JÓGÚRT – ÍSAFJÖRÐUR – HREINDÝR – HAMBORGARAR – EFTIRRÉTTIR – BLÁBER –
Berjaeftirréttur
500 g grísk jógúrt
250 ml rjómi
4 vel fullar matskeiðar berjasulta, helst heimatilbúin
Ríflegt magn af aðalbláberjum, ferskum eða frosnum
Jarðarber eða önnur rauð ber til skrauts, eftir smekk
Þeytið rjómann þar til hann er léttur og mjúkur.
Hrærið berjasultunni vel saman við grísku jógúrtina.
Blandið þeytta rjómanum varlega saman við jógúrtblönduna.
Setjið blönduna í fallega skál eða skiptið henni á milli eftirréttarglasa.
Dreifið aðalbláberjunum yfir.
Skreytið með jarðarberjum eða öðrum rauðum berjum, sé þess óskað.
Ég geri þennan eftirrétt gjarnan á haustin þegar hlíðarnar fyllast af gómsætum aðalbláberjum. Gríska jógúrtin gerir réttinn sérstaklega mjúkan og góðan. Auðvitað má nota keypta berjasultu, en heimagerð sulta gerir eftirréttinn enn betri.
Berið eftirréttinn fram vel kaldan.
Fleira áhugavert:
— Fáskrúðsfjörður – Veislur hjá A&B – Ostakökur — Kartöflur — Salöt — Morgunmatur — Ostakökur — Póstlisti –