Möndlu- og sítrónubaka.
Helga Bryndís kom með extragóða böku með föstudagskaffinu – það má alveg venjast því að byrja föstudagsmorgna á tertum 😉
Það er eitthvað alveg sérstakt við möndlur og sítrónur saman – ferskleiki og mýkt sem hittast á fullkomnum stað. Þessi baka er einmitt þannig; mjúk, safarík og með léttan sítrónukeim sem gerir hana einstaklega góða með kaffinu.
Bakan hentar jafnt sem kaffimeðlæti eða léttur eftirréttur.
.
— SÍTRÓNUBÖKUR — MÖNDLUR — HELGA BRYNDÍS — FÖSTUDAGSKAFFIÐ —
.
Möndlu- og sítrónubaka
200 g hveiti (ekki glúteinríkt)
100 g smjör (kalt)
2 msk sykur
1 msk vatn, ísjökulkalt
1 eggjarauða
salt á hnífsoddi
Blanda öllu saman með fingrunum, vinna deigið sem minnst.
Setja í plast og kæla í klukkustund (láta glúteinin jafna sig).
Fletja út í bökuform og pikka með gaffli. Gott að kæla aftur en ekki nauðsynlegt.
Baka við 180°í um 15 min.
Fari botninn að lyfta sér má setja á hann farg.
Fylling:
100 g smátt saxaðar möndlur
100 g sykur
rifið hýði af tveimur sítrónum
safi úr tveimur sítrónum
75 g smjör
4 egg
Blanda öllu saman í matvinnsluvél,
hellið í bökuna.
Bakið við 180°C í um 20 min, kannski meira, þar til bakan er gullinbrún og fögur.
Ef þú ert að leita að góðri möndlu- og sítrónuböku sem er bæði einföld og einstaklega bragðgóð, þá ertu á réttum stað.
Fleira áhugavert:
— Fylltar döðlur með geitaosti — Ræktið hvítlauk í blómapotti í glugganum — Ís Grand Marnier — Gamaldags heilhveitibrauð — Peruterta, þessi gamla góða — Skúffukaka sem klikkar aldrei — Sírópskökur —
.