Hreindýralund – snöggsteikt á pönnu og hægelduð í ofni
Mikið lifandis ósköp er hreindýrakjöt mjúkt og gott ef það er rétt eldað. Meðlætið með hreindýralundinni var Waldorfssalat og sykurbrúnaðar kartöflur ásamt sósunni (sjá neðst)
.
— HREINDÝR — VILLIBRÁÐ — EINIBER — WALDORFSSALAT — SYKURBRÚNAÐAR KARTÖFLUR — BLÁBER —
.
Hreindýralund – snöggsteikt á pönnu og hægelduð í ofni
1 hreindýralund
3/4 dl einiber
3/4 dl villibráðarkrydd frá Prima
2 msk portvín
2 msk olía
salt og pipar
Merjið einiberin í morteli, bætið við villikryddi, portvíni, olíu, salti og pipar. Setjið á nautalundina (undir og yfir). Geymið í ísskáp í 6-8 klst. Snöggsteikið lundina mjög heitri pönnu og setjið þvínæst í ofn á 45°C í um 2 tíma. Hækkið hitann í 200 síðustu mínúturnar. Það er erfitt að segja hversu lengi, fer eftir þykkt kjötsins. Því miður var ég ekki með kjöthitamælinn og gat ekki fylgst með hitanum.
Sósan var gerð svona: 1/2 rauðlaukur og um 10 cm blaðlaukur saxaðir og steiktir í olíu. saman við það fóru villisveppir, gulrót og sellerý. Þetta var brúnað vel og slettu af portvíni sett saman við ásamt vatni og kjötkrafti. Þetta var soðið í um 20mín. og síðan maukað. Síðan fór rjómi, 1 1/2 msk bláberjasulta og um desilítri af bláberjum, salt og pipar. Allra síðast fór svo soðið af hreindýralundinni.
.
— HREINDÝR — VILLIBRÁÐ — EINIBER — WALDORFSSALAT — SYKURBRÚNAÐAR KARTÖFLUR — BLÁBER —
— HREINDÝRALUND, SNÖGGSTEIKT OG HÆGELDUÐ —
–
