Fullt hús hjá Booking.com tvö ár í röð
Aðeins tíu kílómetra frá Akureyri reka Hrefna Laufey og Árni Gistiheimilið Ása, einstakan gististað þar sem sveitasælan og hlýlegt viðmót fara saman. Það er dásamlegt að sofa með galopinn glugga í íslenskri sumarnótt, vakna við fuglasöng og heyra jarm í fjarska.
Það sem stendur þó upp úr er hversu smekklegt allt er og hve mikil natni er lögð í hvert smáatriði. Hvert horn ber þess merki að gestunum eigi að líða vel og þjónustan einkennist af alúð og hlýju. Það kemur því ekki á óvart að gestir Booking.com hafi veitt Ásum hæstu mögulegu einkunnina, 10, tvö ár í röð.
Frá Ásum er stutt í fjölbreytta afþreyingu. Á meðan við dvöldum þar hittum við til dæmis fólk sem var nýkomið úr bjargklifri á Munkaþverá og á leiðinni á skíði á Siglufirði – skemmtileg áminning um hversu margt Norðurland hefur upp á að bjóða.
– ÁSAR — FERÐAST UM ÍSLAND — AKUREYRI —
.
Við ferðaþríeykið viljum gjarnan heyra frá ferðaþjónustufólki
Ásabrauð
500 g þurrefni – það er hægt að nota hvaða þurrefni sem er, fræblöndu og hafragrjón. Ég nota oftast 400 g hveiti og 100 g heilhveiti
1/2 tsk. þurrger
1 tsk. salt
370 g volgt vatn
Öllum þurrefnum blandað saman, líka geri og salti. Síðan er volgt vatn hrært saman við. Ekkert hnoðað, bara hrært saman.
Tvöföld plastfilma látinn yfir skálina.
Látið hefast í a.m.k. 12 tíma. þegar þeir eru liðnir, setjið þá pott með loki inn í 230°C heitan ofn. Hitið ofninn í ca 10 mínútur. Stráið smá hveiti á deigið og hnoðið það létt saman. Setjið það í heitan pottinn. Bakið í 30 mínútur með loki. Takið lokið af og bakið í 10 mínútur. Þá er brauðið tilbúið.
Heimilisfriður
2 bollar sykur
2 bollar hveiti
2 bollar haframjöl
2 egg
2 tsk. lyftiduft
400 g brætt smjörlíki
2 bollar saxaðar döðlur
200 g súkkulaði
Allt hrært saman, nema súkkulaðið og sett í ofnskúffu. Bakað við 180°C í ca 25 mínútur. Tvö hundruð gr. súkkulaði sett í bitum ofan á kökuna og breitt út þegar það bráðnar. Kælt og skorið í litla bita. Gott að eiga í frysti.
síminn hjá Hrefnu er 8631515
.
.