Gratineraðar kartöflur
Gratineraðar kartöflur eru góðar með hinum ýmsu réttum, til dæmis lambasteik. Stundum blanda ég saman bökunarkartöflum og venjulegum. Ostaenda er upplagt að frysta og rífa yfir. Kartöflugratínið verður enn betra með því að rífa örlítið af gráðaosti yfir. Talandi um gráðaost…. þið sem viljið hann á pitsurnar ykkar en verið pirruð yfir því hversu klístraður hann er og erfitt að mylja hann yfir pitsuna, gott er að rífa frosinn gráðaost með rifjárni beint yfir hana.
— KARTÖFLUR — GRATÍN — GRÁÐAOSTUR —
.
Gratineraðar kartöflur
2-3 bökunarkartöflur
1 laukur
3 hvítlauksrif
1/4 l rjómi
salt og pipar
1-2 dl rifinn ostur.
Flysjið kartöflurnar, skerið þær í tvennt (langs) og í þunnar sneiðar. Skerið laukinn í þunnar sneiðar, merjið hvítlauksrifin. Blandið vel saman og setjið í eldfast form. Kryddið með salti og pipar og hellið rjómanum yfir. Dreifið rifna ostinum yfir. Bakið í 150° heitum ofni í 50-60 mín.
— KARTÖFLUR — GRATÍN — GRÁÐAOSTUR —
.
