Á meðan þjóðin er meira og minna heima og stendur af sér kórónuhríðina er eitt og annað sem hægt er að gera milli þess sem við þvoum okkur um hendur og sprittum.
Matur og hreyfing. Borða hollan góðan alvöru mat, mat sem styrkir heilsu okkar og gerir okkur gott. Taka inn góð vítamín og steinefni. Huga að hreyfingu. Fara í göngutúra og gera æfingar heima. Drekka vatn.
Gefa sér tíma í eldhúsinu. Víða um heim eyðir fólk löngum stundum í eldhúsinu við að undirbúa máltíðir. Hérlendis hefur “korter í mat” verði dásamað af mörgum. Nú hættum við þessari korter-í-mat- vitleysu fyrir fullt og allt, enda fátt skemmtilegra en njóta þess að undirbúa matinn án þess að setja á sig tímapressu.
Upp með ermarnar. Það er hægt að taka til hendinni heima við og koma mörgu í verk sem setið hefur á hakanum (vegna tímaskorts). Nú er tími til að mála, þrífa bakaraofninn og uppþvottavélina, fara í eldhússkápana, taka til í geymslunni. Vorhreingerning?
Borðsiðir. Rifja upp borðsiði, hvernig við skálum og hvað við gerum við servéttuna. Kenna ungdómnum að halda á hnífpörum og fleira slíkt. Fara yfir tækifærisræður, ísbrjóta í boðum og samkvæmisleiki.
Sumarið. Skipuleggja sumarið, láta sig dreyma um hvað er hægt að gera, hvenær og hvernig. Skrifa niður lítil og stór atriði. Sá sumarblómum og grænmeti. Setja niður tómatafræ, tómatplantan heldur flugum (líka lúsmýi) í skefjum.
Svo má einnig:
Hugleiða
Lesa góða bók
Auka kærleikann
Baka með kaffinu
Sinna áhugamálum
Hringja myndsímtöl í fólk
Skipuleggja myndir heimilisins
Taka til í tölvunni og símanum
Taka til í vinalistanum á facebook
Minna fjölmiðlafólk á að mikill munur er á fordómalausir tímar og fordæmalausir tímar.
