Aðalbláberjabaka
Þessi aðalbláberjabaka er einföld, falleg og einstaklega bragðgóð – fullkomin með kaffinu hvort sem er á björtum sumardegi eða dimmum vetrarkvöldum. Uppskriftin kemur úr föstudagskaffi þar sem Helga Bryndís mætti með böku úr aðalbláberjum úr Svarfaðardal – og hún sló algjörlega í gegn.
Hér færðu klassíska og áreiðanlega bláberjaböku sem er fljótleg í gerð og alltaf vinsæl.
.
— FÖSTUDAGSKAFFIÐ — BLÁBER — FÖSTUDAGSKAFFIÐ —
.
Aðalbláberjabaka
Botn
200 g hveiti
100 g smjör
2 msk sykur
1 msk vatn
1 eggjarauða
salt á hnífsoddi
Fylling:
4 dl (aðal)bláber
1 tsk kartöflumjöl
2 msk sykur
Botn: Hrærið vel saman í hrærivél og þjappið í bökuform.
Fylling: Blandið saman berjum, kartöflumjöli og sykri og setjið ofan á bökudeigið. Bakið við 200°C í 20–25 mínútur, eða þar til bakan er gullin og safarík
Gott að bera fram með þeyttum rjóma eða vanilluís.
Fátt toppar nýbakaða aðalbláberjaböku / bláberjaböku – sérstaklega þegar hún er borin fram volg með góðu kaffi og góðum gestum.
Fleira áhugavert:
— Apríkósu- og gulrótamarmelaði — Kurteisi á kaffihúsum – níu atriði — Múffur með eplum og haframjöli — Döðlukonfekt, gott, gott — Humarveisla Önnu Rósu — Forsetaísinn —
.