Sítrónusmjör – lemon curd
Heimagert sítrónusmjör er unaðslegt með ostum, kexi, pönnukökum, tertum og ristuðu brauði.
Sítrónusmjör, eða lemon curd, er silkimjúkt, ferskt og fallega gult krem sem má nota á ótal vegu. Það er dásamlegt með ostum og kexi, ofan á ristað brauð, með lummum, í pönnukökur, með grískri jógúrt, ofan á Pavlovu, í tertur, kökur og eftirrétti – eða bara beint úr krukkunni ef enginn sér til.
— SÍTRÓNUSMJÖR — SÍTRÓNUR — PÖNNUKÖKUR — PAVLOVA — LUMMUR —
🍋
Lemon Curd – sítrónusmjör
4 stór egg
1 1/3 bolli sykur
1 bolli ferskur sítrónusafi
175 g smjör
1 msk rifinn sítrónubörkur
1/2 tsk salt
gulur matarlitur, má sleppa
Þeytið egg og sykur vel saman. Bræðið smjörið í potti við vægan hita. Hellið eggjahrærunni saman við og bætið síðan við sítrónusafa, sítrónuberki, salti og matarlit ef hann er notaður. Hitið við lágan hita og þeytið stöðugt í um 10 mínútur, eða þar til blandan þykknar.
Hellið sítrónusmjörinu strax í gegnum sigti, kælið lítillega og setjið í hreinar krukkur. Skrúfið lokið strax á og geymið í kæli.
🍋
— SÍTRÓNUSMJÖR — SÍTRÓNUR — PÖNNUKÖKUR — PAVLOVA — LUMMUR —
🍋
Við bjóðum líkast til Lemon curd
sem logagyllt seður hvern matarnörd,
því ofan á brauð má það alveg jeta
úr eggjum og smjeri að hætti Breta.
Höf: Páll Bergþórsson
Fleira áhugavert:
– Sítrónukjúklingur – Heill kjúklingur í ofni — Draumaterta dásamlega góð – Riz à l’amande eftirréttur – Vöfflur hin klassíska uppskrift — Skúffukaka sem klikkar ekki – Hvað er kurteisi? — Snúðakakan góða – Skyrterta Maríu –
Í bökuðu kartöfluna, ofan á fiskinn þegar verið er að grilla hann, jafnvel aðeins ofaná kjötið, í humarinn 🙂
Á svampbotna ásamt rjóma og ferskum jarðaberjum.
Saman við rjómaost í ostakökur með piparkökubotni 🙂
Comments are closed.