Gamaldags vínarbrauð með rabarbarasultu og súkkulaðiglassúr
„Hjördís systir mín bakar bestu gamaldags vínarbrauð í heiminum!“
Þannig hljóðuðu skilaboðin sem ég fékk frá Sigurlaugu Margréti þegar þær systur sátu úti í garði með kaffi í sparibollunum og gæddu sér á nýbökuðu vínarbrauði með rabarbarasultu og súkkulaðiglassúr. Auðvitað varð ég að fá uppskriftina.
Þetta er heiðarlegt vínarbrauð eins og margir muna frá bernskuárunum — mjúkt og örlítið stökkt með sultu í miðjunni og með vel af súkkulaðiglassúr ofan á. Fullkomið með síðdegiskaffinu.
— HJÖRDÍS RUT — SIGURLAUG MARGRÉT — VÍNARBRAUÐ — RABARBARASULTA — SÚKKULAÐIGLASSÚR — ÍSLENSKT — Glassúr —
.
Vínarbrauð Hjördísar Rutar
500 g hveiti
180 g sykur
180 g smjör
3 tsk lyftiduft
1 egg
1 tsk vanilludropar
Mjólk eftir þörfum (um 2 dl)
Blandið öllu saman og hnoðið. Fletjið út í fimm lengjur. Setjið rabarbarasultu eftir endilangri miðjunni og brjótið hliðarnar yfir að miðju.
Bakið við 180°C í 20–25 mín. eða þar til vínarbrauðin eru fallega gyllt.
Súkkulaðiglassúr
400 g flórsykur
3 góðar msk kakó
Sjóðandi vatn
Setjið lítið af sjóðandi vatni í einu þar til glassúrinn verður hæfilega þykkur.
Smakkið til og bætið við kakói eða flórsykri ef þarf.
Dreifið glassúrnum yfir volg vínarbrauðin.
Fleira áhugavert:
— Ítölsk sítrónukaka — Grafinn lax og graflaxsósa — Rabarbarasulta — Sítrónu linguine Nigellu — Múffur með eplum og haframjöli — Döðlukonfekt, gott, gott — Humarveisla Önnu Rósu — Forsetaísinn — Skúffukakan besta — Ekki segja þetta við einhleypa – óþarfa ráð og óumbeðin —
.