Afmæliskringla
Það er alltaf eitthvað sérstakt við afmælisdaga – og þá ekki síst þegar tilefnið er gott og eldhúsið fyllist af ilmi af nýbökuðu sætabrauði. Þessi afmæliskringla var bökuð í tilefni dagsins og sló strax í gegn.
Kringlan er mjúk og bragðgóð, með léttu sætu sem passar fullkomlega með kaffibolla og góðu spjalli. Hún er einföld í gerð en lítur út fyrir að vera miklu meira – svona uppskrift sem gaman er að eiga til þegar gesti ber að garði eða þegar fagna á lífinu sjálfu.
Það besta við þessa kringlu er hvað hún er fjölhæf. Hún hentar jafnt í afmæli, sunnudagskaffi eða þegar mann langar einfaldlega að gleðja sjálfan sig og aðra með einhverju góðu.
Aldamótaárið gaf Samband austfirskra kvenna út uppskriftakver sem nefndist Gagn og gaman austfiskra kvenna. Þar kennir margra grasa og hver gæða uppskrifin rekur aðra.
— AFMÆLI — GERBAKSTUR — SAMBAND AUSTFIRSKRA KVENNA — KRINGLA — SÚKKAT — AFMÆLI — MÖMMUUPPSKRIFTIR —
🎈
Afmæliskringla
deig
400 g hveiti (3 1/2 b)
250 g smjörlíki
1 pk þurrger
1 dl mjólk
1/2 dl volgt vatn
1 egg
1 msk sykur
1 tsk salt
2 tsk kardimommuduft.
Blandið þurrefnunum saman ásamt smjölíkinu (myljið smjölíkið saman við með höndunum), bætið við eggi. Blandið saman vatni og mjólk og leysið gerið upp í mjólkurblandinu blandið öllu saman og látið lyfta sér í um klst. Hnoðið og mótið lengju sem er um 1 m á lengd og 15 cm á breidd.
fylling:
100 g lint smjölíki
50 g sykur (1/2 dl)
rúsínur
súkkat
1 grænt epli smátt brytjuð
Hrærið saman smjörlíki og sykri. Smyrjið því á deigið, stráið epli, rúsínum og súkkati yfir og lokið. Mótið kringlu og setjið á plötu.
ofan á:
egg
möndlukurl
grófur sykur
Penslið með eggi, stráið möndlukurli og sykri yfir og bakið 200°C í 20 mín.
Stundum þarf ekki meira en heimabakaða kringlu til að gera daginn að hátíð.
.
Fleira áhugavert:
— Grautarlummur — Perutertan besta — Klæðnaður við jarðarfarir — Heimilisfriður — New York, matarborgin — Marsípankaka með vínberjum — Ítölsk veisla hjá Kristínu Björgu — Lambalæri með þurrkuðum ávöxtum — Elísabet drottning 100 ára —
🎈